Fréttir

Styrkþegar glaðir og kátir

Sjö milljónum króna úr verkefninu Betri Borgarfjörður var þann 10. desember úthlutað til 15 samfélagseflandi verkefna á Borgarfirði eystra. Þetta er fyrsta úthlutunin en alls bárust 18 umsóknir.

Áætlaður heildarkostnaður verkefna er um 41 m.kr. en sótt var um styrki fyrir 17 m.kr. Kynjahlutföll á milli þeirra sem hlutu styrki eru 5 konur og 7 karlar. Styrkirnir eru hluti af verkefni Byggðastofnunar, Brothættar byggðir.

Heildarlisti yfir styrkþega árið 2018:

Verkefnin sem hlutu styrki eru fjölbreytt og verður spennandi að fylgjast með þeim blómstra.

Búðin Borgarfirði (Gusa ehf), sem opnaði í lok júní sl. hlaut hæsta styrkinn að þessu sinni, samtals 1,8 m.kr. Eins og kom fram á íbúaþingi síðasta vetur var efst á forgangslista að opna verslun aftur og er því ánægjulegt að geta stutt myndarlega við það verkefni.

Verkefnið Brothættar byggðir miðar að víðtæku samráði og því að virkja þekkingu og getu íbúa byggðarlaga til að móta framtíðarsýn, markmið og lausnir. Enn fremur að virkja frumkvæði og samtakamátt íbúa og auka vitund þeirra um eigin þátt í þróun samfélagsins.

Nánari upplýsingar veitir Alda Marín Kristinsdóttir (aldamarin@austurbru.is) verkefnisstjóri verkefnisins í síma 847-6887.