Fréttir

Í gær fundaði stjórn Byggðastofnunar í Húsi Hákarla-Jörundar í Hrísey. Að stjórnarfundi loknum var snæddur hádegisverður með hverfisráði eyjunnar áður en farið var í heimsóknir í Hríseyjarbúðina, sem hefur hlotið styrki úr byggðaáætlun, og í Hrísey Seafood sem er samningsaðili að aflamarki Byggðastofnunar í Hrísey. Góðum degi lauk svo með fundi með bæjarstjórn Akureyrarbæjar í ráðhúsinu á Akureyri þar sem ýmis mál voru rædd, m.a. byggðaþróunarverkefnið Brothættar byggðir, aflamark Byggðastofnunar, styrkjapottar, samstarf við landshlutasamtök sveitarfélaga, mælaborð Byggðastofnunar og fleira.  Stjórn Byggðastofnunar og starfsfólk þakkar fyrir góðar móttökur og umræður.   

Heimsóknir Byggðastofnunar til sveitarfélaganna í landbyggðunum eru stofnuninni einkar mikilvægar. Þeim er ætla að efla enn frekar öflugt samstarf við öll sveitarfélög á starfssvæði stofnunarinnar, sem er landið allt utan höfuðborgarsvæðisins. 

Meðfylgjandi myndir voru teknar í heimsókninni í Hrísey: