Fréttir

Á grundvelli reglugerðar nr. 643/2016 auglýsir Byggðastofnun eftir samstarfsaðilum um nýtingu aflaheimilda á Flateyri í Ísafjarðarbæ – allt að 400 þorskígildistonn fiskveiðiárin 2025/2026, 2026/2027, 2027/2028, 2028/2029 og 2029/2030. 

 Meginmarkmið verkefnisins er að auka byggðafestu í þeim sjávarbyggðum sem : 

• standa frammi fyrir alvarlegum og bráðum vanda vegna samdráttar í sjávarútvegi eða ætla megi að samdráttur í greininni myndi skapa slíkan vanda. 

• eru háðastar sjávarútvegi og eiga minnsta möguleika á annarri atvinnuuppbyggingu, 

• eru fámennar, fjarri stærri byggðakjörnum og utan fjölbreyttra vinnusóknarsvæða. 

 Í því skyni er að stefnt að uppbygginu í sjávarútvegi sem: 

• skapar og viðheldur sem flestum heilsársstörfum við veiðar, vinnslu og afleidda starfsemi í viðkomandi sjávarbyggðum, 

• stuðlar að sem öflugastri starfsemi í sjávarútvegi til lengri tíma 

 Endanlegt val á samstarfsaðilum mun byggja á eftirfarandi þáttum: 

• trúverðugum áformum um útgerð, vinnslu sjávarafurða eða aðra starfsemi 

• fjölda heilsársstarfa  

• sem bestri nýtingu þeirra veiðiheimilda sem fyrir eru í byggðalaginu 

• öflugri starfsemi til lengri tíma sem dregur sem mest úr óvissu um framtíðina 

• jákvæðum áhrifum á önnur fyrirtæki og samfélagið 

• traustri rekstrarsögu forsvarsmanna umsækjanda 

Magn aflaheimilda er með fyrirvara um úthlutun matvælaráðuneytisins til aflamarks Byggðastofnunar ár hvert. 

Umsóknum sem ekki falla að markmiðum verkefnisins verður hafnað. Hægt er að nálgast reglugerð nr.643/2016 um ráðstöfun og meðferð aflaheimilda samkvæmt 10. gr. a laga nr. 116/2006, um stjórn fiskveiða hér ásamt breytingu nr.487/2024. 

Nánari upplýsingar er að finna á vef Byggðastofnunar www.byggdastofnun.is eða hjá sérfræðingum Byggðastofnunar í gegnum netfangið aflamark@byggdastofnun.is og í síma 455-5400. 

Umsóknir skal senda til Byggðastofnunar í gegnum umsóknargátt á heimasíðu stofnunarinnar fyrir kl. 12:00 föstudaginn 14. mars 2025.