Fréttir

Samningar hafa tekist milli veðhafa þrotabús TH ehf. og SS verktaka um kaup á vélum á verkstæði þrotabúsins á Akranesi. Jafnframt hafa SS verktakar leigt verkstæðishús að Hafnarbraut og Vesturgötu af Byggðastofnun, með möguleika á kaupum í framtíðinni, og þannig hefur áframhaldandi starfsemi verið tryggð í húsunum en TH ehf. varð gjaldþrota nú í byrjun ársins. 

Veðhafar og skiptastjóri þrotabúsins hafa í þessum viðskiptum haft í huga þá meginhagsmuni að koma atvinnutækjum strax aftur í gang og stuðla að áframhaldandi starfsemi í fasteignunum.

SS verktakar hafa verið í eigu sömu fjölskyldu í 65 ár og er það elsta byggingafyrirtæki á landinu með farsælan feril að baki.  Meðal stórra verkefna fyrirtækisins nú er bygging 300 stúdentaíbúða að Sæmundargötu í Reykjavík.  Um er að ræða stærstu uppbyggingu Félagsstofnunar á svæði Háskóla Íslands ásamt því að þetta er einn stærsti verksamningur sem Sveinbjörn Sigurðsson hf. hefur tekið að sér. Samningsfjárhæð er um 2,5 milljarðar.

Hér má sjá frétt Skessuhorns um málið: