Fréttir

Byggðastofnun hefur um langan tíma veitt lán til fyrirtækja í ferðaþjónustu víða um landið. Í árslok 2011 voru heildarútlán Byggðastofnunar til ferðaþjónustu að upphæð ríflega 4,6 milljarðar króna. Tæplega 1,37 milljarðar þar af voru lán fyrirtækja í fjórum sveitarfélögum, Skaftárhreppi, Skútustaðahreppi, Hornafirði og Mýrdalshreppi en ekkert sveitarfélag hefur yfir 8% af lánunum. Eins og sést á kortinu eru þau fyrirtæki í ferðaþjónustu sem hafa tekið lán hjá Byggðastofnun dreifð vítt um landið.

Ef litið er til dreifingar útlána og hún borin saman við dreifinguna 2009 sést að hún hefur ekki breyst mikið en er þó heldur meiri 2011 og jafnari. Athyglisvert er að ekki eru útistandandi lán til ferðaþjónustu á suðvestur- og norðausturhornum landsins en annars á svæðum sem hafa búið við fólksfækkun síðustu ár.

Lán til fyrirtækja í ferðaþjónustu 2009