Fréttir

Fundaröð Byggðastofnunar með fulltrúum sveitarfélaga á Íslandi stendur áfram yfir.  Í byrjun vikunnar heimsóttu Arnar Már, Hrund og Sigríður Elín Þingeyjarsveit, Svalbarðsstrandarhrepp og Grýtubakkahrepp.  Ýmis málefni voru rædd, þar á meðal lokanir pósthúsa og dreifing héraðsfréttamiðla, almenningssamgöngur, aðkoma Byggðastofnunar að eignarhaldsfélögum í landsbyggðunum, verkefnið Brothættar byggðir, erfiðleikar í landbúnaði, auknar og íþyngjandi kröfur hins opinbera í ýmsum málaflokkum, áhrif loftslagsbreytinga og vitanlega óstaðbundin störf svo eitthvað sé nefnt.  Allt eru þetta mikilvæg mál sem snerta byggðir landsins. 

Fulltrúar sveitarfélaganna tóku okkur vel og var ánægjulegt að sjá þann hug sem í þeim ríkir og þá staðfestu í að efla og bæta sitt samfélag.