Fréttir

Byggðastofnun hefur verið falið að úthluta 500 milljónum króna af þeim 700 sem ríkisstjórnin ákvað fyrr í vor að veita til eflingar atvinnulífs á landsbyggðinni á komandi 18 mánuðum. Nýsköpunarsjóður mun annast miðlun á 200 milljónum króna vegna þessa átaksverkefnis.

Byggðastofnun hefur verið falið að úthluta 500 milljónum króna af þeim 700 sem ríkisstjórnin ákvað fyrr í vor að veita til eflingar atvinnulífs á landsbyggðinni á komandi 18 mánuðum. Nýsköpunarsjóður mun annast útdeilingu á 200 milljónum króna vegna þessa átaksverkefnis.

Aðalsteinn Þorsteinsson, forstjóri Byggðastofnunar, segir þróunarsvið og fyrirtækjasvið Byggðastofnunar vinna að mótun á reglum um úthlutun þessara fjármuna til atvinnulífsins. Bæði er reiknað með að um verði að ræða beina styrki, lánveitingar og hlutafjárkaup.
“Okkar vinna miðast að því þessa dagana að móta reglur um úthlutun en síðan verður málið tekið til umfjöllunar í stjórn Byggðastofnunar um miðjan aprílmánuð. Væntanlega verður síðan í kjölfarið auglýst eftir verkefnum til að styðja við bakið á. Miðað við samþykkt ríkisstjórnarinnar er ætlunin að þessum fjármunum verði miðlað út í atvinnulífið á landsbyggðinni á komandi 18 mánuðum en væntanlega verður það breytilegt eftir hverju og einu verkefni hvernig greiðslum verður háttað,” segir Aðalsteinn Þorsteinsson.