Fréttir

Sókn landsbyggða

Kemur unga fólkið? Hvar liggja tækifærin?

14.-15. september 2016, Breiðdalsvík

Byggðaráðstefnan 2016

Tilgangur ráðstefnunnar er að tengja saman fræðilega og hagnýta þekkingu á stöðu og þróun með það að markmiði að efla samfélög í landsbyggðum.  Ráðstefnan er umræðuvettvangur fólks úr háskólunum, stjórnsýslunni, sveitarstjórnun og annarra sem áhuga hafa á þróun byggðanna.  Leitast verður við að ná fram ólíkum sjónarmiðum þeirra sem vinna að rannsóknum, stefnumótun og starfa á vettvangi byggðamála.  Á Byggðaráðstefnunni verður sérstaklega horft til sóknafæra landsbyggða og ungs fólks, samanber yfirskrift ráðstefnunnar.

Kallað er eftir erindum frá fræða- og háskólasamfélaginu, stefnumótendum og þeim sem vinna á vettvangi um stöðu og þróun byggðar.  Erindin geta m.a. fjallað um mismunandi þætti í sókn landsbyggða eins og að efla þjónustu í litlum samfélögum, virkja og efla félagsauðinn og auka íbúalýðræði.  Einnig um nýtingu á rafrænni þjónustu, hlut skóla- og heilbrigðisþjónustu í litlum samfélögum auk annars sem fræða-, rannsókna- og stjórnsýslusamfélagið telur mikilvægt að ræða á ráðstefnu sem helguð er sókn landsbyggða. Lögð er áhersla á að fyrirlesarar hafa rúman efnisramma og geta fjallað hvort sem er um einn einstakan þátt eða fleiri eftir eðli máls. Ætlast er þó til að efnið tengist á einhvern hátt meginþræðinum þ.e. sókn landsbyggða og unga fólkinu.

Tillaga að fyrirlestri með stuttri innihaldslýsingu, 200-300 orða útdrátt, sendist til Byggðastofnunar á netfangið sigridur@byggdastofnun.is  fyrir 20. júní 2016.

Á Byggðaráðstefnunni á Patreksfirði 2014 var ákveðið að halda næstu ráðstefnu á Breiðdalsvík.  Að Byggðaráðstefnunni 2016 standa Byggðastofnun, Samband íslenskra sveitarfélaga, Austurbrú og Breiðdalshreppur. 

Kynningarbréf.