Fréttir

Samkvæmt byggðaáætlun fyrir árin 2014 – 2017 skal gera úttekt á leiðum sem nýttar eru í nágrannalöndum til að styðja við einstaklinga búsetta á svæðum sem eiga undir högg að sækja. Því fóru tveir starfsmenn Byggðastofnunar og einn starfsmaður samgöngu- og sveitarstjórnarráðuneytisins til Noregs til að kynna sér stöðu byggðamála í Noregi, norska byggðastefnu og byggðaaðgerðir. Er óhætt að segja að byggðastefna Norðmanna sé metnaðarfull og miklum fjármunum varið til byggðaaðgerða.

Einnig voru hugmyndir um sameiningu sveitarfélaga og fylkja skoðaðar. Að mörgu leiti er það sama uppi á teningnum í Noregi og á Íslandi þegar kemur að sameiningu sveitarfélaga. Það eru helst miðlungs stór og stærri sveitarfélög sem vilja sameinast. Minnstu sveitarfélögin hafa minni áhuga á sameiningu.

Þá var leitað upplýsinga um hvernig háttað er sköttum og gjöldum af vatnsaflsvirkjunum til sveitarfélaga.

Norðurslóðasamstarf, sem Norðmenn leggja áherslu á og tengja byggðamálum var kynnt.

Unnin var skýrsla um framangreint og er hana að finna hér.