Fréttir

Samantekt um skilaboð íbúaþings í Breiðdalshreppi, sem haldið var í nóvember, liggur nú fyrir og má finna hana hér.

Verkefnisstjórn hefur hafið vinnu við að móta tillögur og aðgerðir til að fylgja skilaboðum þingsins eftir.  Þar er til skoðunar hvað aðstandendur verkefnisins, Byggðastofnun, Breiðdalshreppur, Austurbrú og Samband sveitarfélaga á Austurlandi, geta gert og jafnframt mun verkefnisstjórnin koma niðurstöðum á framfæri við stjórnvöld, stofnanir og aðra aðila eftir því sem við á.  Auk þess snúa mörg verkefni að heimamönnum og frumkvöðlum og eru Breiðdælingar hvattir til dáða, til að hittast, fara yfir hugmyndir og meta hvað hægt er að gera og hverjir vilja fóstra hugmyndir áfram. 

Næsta skref í verkefninu er að innan fárra vikna verður haldinn opinn eftirfylgnifundur á Breiðdalsvík, þar sem farið verður yfir stöðu mála.  Tilkynnt verður um dagsetningu þegar nær dregur.