Fréttir

Frá Bíldudal

Samantekt um skilaboð íbúaþings á Bíldudal, sem haldið var í lok september, liggur nú fyrir og má finna hana hér.

Verkefnisstjórn hefur fundað og farið yfir þau mál sem rædd voru á þinginu og undirbýr eftirfylgni.  Þar er til skoðunar hvað aðstandendur verkefnisins, Byggðastofnun, Vesturbyggð, Fjórðungssamband Vestfirðinga og AtVest, geta gert en auk þess eru mörg verkefni nú þegar í höndum heimamanna og frumkvöðla.  Loks mun verkefnisstjórn koma niðurstöðum á framfæri við stjórnvöld, stofnanir og aðra aðila eftir því sem við á.

Næsta skref í verkefninu er að haldinn verður eftirfylgnifundur á Bíldudal, þar sem farið verður yfir stöðu mála.  Fundurinn var áformaður í nóvember en verkefnisstjórn vill gefa sér meiri tíma til að undirbyggja eftirfylgnina og hefur því ákveðið að fresta honum fram yfir áramót.  Tilkynnt verður um dagsetningu þegar nær dregur.