Fréttir

Síðastliðinn föstudag, þann 9. júní, var ársfundur Byggðastofnunar haldinn í Ólafsvík á Snæfellsnesi. Á fundinum fóru fram hefðbundin ársfundarstörf. Fundarstjóri var Kristinn Jónasson, bæjarstjóri í Snæfellsbæ. Iðnaðarráðherra, Valgerður Sverrisdóttir, formaður stjórnar Byggðastofnunar, Herdís Sæmundardóttir og forstjóri Byggðastofnunar, Aðalsteinn Þorsteinsson, fluttu ræður sem aðgengilegar verða í heild hér á síðunni. Ársfundargestum var kynnt vinna sem í gangi er varðandi vatnsútflutning í stórum stíl frá Snæfellsbæ og sömuleiðis vinna sem í gangi er við að gera Snæfellsnes að vistvænu ferðamannasvæði.

Síðastliðinn föstudag, þann 9. júní, var ársfundur Byggðastofnunar haldinn í Ólafsvík á Snæfellsnesi.

Á fundinum fóru fram hefðbundin ársfundarstörf. Fundarstjóri var Kristinn Jónasson, bæjarstjóri í Snæfellsbæ.

Iðnaðarráðherra, Valgerður Sverrisdóttir, formaður stjórnar Byggðastofnunar, Herdís Sæmundardóttir og forstjóri Byggðastofnunar, Aðalsteinn Þorsteinsson, fluttu ræður sem aðgengilegar eru í heild hér að neðan.

Ársfundargestum var kynnt vinna sem í gangi er varðandi vatnsútflutning í stórum stíl frá Snæfellsbæ og sömuleiðis vinna sem í gangi er við að gera Snæfellsnes að vistvænu ferðamannasvæði.

Í almennum umræðum var vakin  athygli á því að iðnaðarnefnd Alþingis gerði tillögu um nokkrar breytingar á þingsályktun um stefnumótandi byggðaáætlun fyrir árin 2006-2009.

Voru þessar breytingartillögur allar í þá veruna að efla Byggðastofnun  og auka hlutverk hennar í framkvæmd áætlunarinnar. Alþingi samþykkti breytingartillögurnar samhljóða.

Byggðaáætlun 2006-2009 verður birt hér á síðunni jafnskjótt og skjalið liggur fyrir í endanlegri útgáfu hjá skrifstofu Alþingis.

Ávarp Valgerðar Sverrisdóttur, iðnaðar og viðskiptaráðherra - smella hér

Ávarp Herdísar Sæmundardóttur, stjórnarformanns Byggðastofnunar - smella hér

Ávarp Aðlasteins Þorsteinsson, forstjóra Byggðastofnun - smella hér