Fréttir

Á grundvelli reglugerðar nr. 643/2016 auglýsir Byggðastofnun eftir samstarfsaðilum um nýtingu viðbótaraflaheimilda á

• Tálknafirði í Tálknafjarðarhreppi – allt að 400 þorskígildistonn
• Þingeyri í Ísafjarðabæ – allt að 500 þorskígildistonn
• Flateyri í Ísafjarðarbæ – allt að 400 þorskígildistonn
• Suðureyri í Ísafjarðarbæ – allt að 500 þorskígildistonn
• Drangsnesi í Kaldrananeshreppi – allt að 250 þorskígildistonn
• Hrísey í Akureyrarbæ – allt að 350 þorskígildistonn
• Raufarhöfn í Norðurþingi – allt að 500 þorskígildistonn
• Bakkafirði í Langanesbyggð – allt að 250 þorskígildistonn
• Djúpavogi í Djúpavogshreppi – allt að 800 þorskígildistonn

fiskveiðiárin 2018/2019, 2019/2020, 2020/2021, 2021/2022, 2022/2023 og 2023/2014.

Á grundvelli reglugerðar nr. 1064/2015 auglýsir Byggðastofnun eftir samstarfsaðilum um nýtingu viðbótaraflaheimilda í

• Grímsey í Akureyrarbæ – allt að 400 þorskígildistonn

fiskveiðiárin 2018/2019, 2019/2020, 2020/2021, 2021/2022, 2022/2023 og 2023/2014.

 Meginmarkmið verkefnisins er að auka byggðafestu í þeim sjávarbyggðum sem :

• standa frammi fyrir alvarlegum og bráðum vanda vegna skorts á aflaheimildum eða óstöðugleika í sjávarútvegi,
• eru háðastar sjávarútvegi og eiga minnsta möguleika á annarri atvinnuuppbyggingu,
• eru fámennar, fjarri stærri byggðakjörnum og utan fjölbreyttra vinnusóknarsvæða.

 Í því skyni er að stefnt að uppbygginu í sjávarútvegi sem:

• sem skapar og viðheldur sem flestum heilsársstörfum fyrir bæði konur og karla við veiðar, vinnslu og afleidda starfsemi í viðkomandi sjávarbyggðum,
• stuðlar að sem öflugastri starfsemi í sjávarútvegi til lengri tíma

 Endanlegt val á samstarfaðilum mun byggja á eftirfarandi þáttum:

• trúverðugum áformum um útgerð, vinnslu sjávarafurða eða aðra starfsemi
• fjöldi heilsársstarfa fyrir karla og konur
• sem bestri nýtingu þeirra veiðiheimilda sem fyrir eru í byggðalaginu
• öflugri starfsemi til lengri tíma sem dregur sem mest úr óvissu um framtíðina
• jákvæðum áhrifum á önnur fyrirtæki og samfélagið
• traustri rekstrarsögu forsvarsmanna umsækjanda

 Magn aflaheimilda er með fyrirvara um úthlutun atvinnu- og nýsköpunarráðuneytisins til Aflamarks Byggðastofnunar ár hvert.

 Umsóknum sem ekki falla að markmiðum verkefnisins verður hafnað.

 Umsóknareyðublað, ásamt nánari upplýsingum er að finna á vef Byggðastofnunar https://www.byggdastofnun.is/is/verkefni/vidbotaraflamark/umsoknareydublad .

 Umsóknir skal senda til Byggðastofnunar, á netfangið postur@byggdastofnun.is fyrir kl. 12:00 föstudaginn 9. mars 2018.

 Nánari upplýsingar veitir Sigurður Árnason sérfræðingur á þróunarsviði.