Fréttir

Á grundvelli reglugerðar nr. 643/2016 auglýsir Byggðastofnun eftir samstarfsaðilum um nýtingu viðbótaraflaheimilda á Þingeyri, Flateyri og Suðureyri í Ísafjarðarbæ, á Raufarhöfn í Norðurþingi og Breiðdalsvík í Breiðdalshreppi.

Auglýst eru 100 þorksígildistonn á hvern stað til viðbótar þeim heimildum sem þegar hefur verið úthlutað á Þingeyri, Flateyri, Suðureyri, Raufarhöfn og Breiðdalsvík vegna fiskveiðiáranna 2016/2017 og 2017/2018. Auk þess eru auglýst 99 þorskígildistonn vegna Flateyrar vegna fiskveiðiársins 2016/2017.

Meginmarkmið verkefnisins er að auka byggðafestu í þeim sjávarbyggðum sem :

• standa frammi fyrir alvarlegum og bráðum vanda vegna skorts á aflaheimildum eða óstöðugleika í sjávarútvegi,
• eru háðastar sjávarútvegi og eiga minnsta möguleika á annarri atvinnuuppbyggingu,
• eru fámennar, fjarri stærri byggðakjörnum og utan fjölbreyttra vinnusóknarsvæða.

Í því skyni er að stefnt að uppbygginu í sjávarútvegi sem:

• sem skapar og viðheldur sem flestum heilsársstörfum fyrir bæði konur og karla við veiðar, vinnslu og afleidda starfsemi í viðkomandi sjávarbyggðum,
• stuðlar að sem öflugastri starfsemi í sjávarútvegi til lengri tíma

Endanlegt val á samstarfaðilum mun byggja á eftirfarandi þáttum:

• trúverðugum áformum um útgerð, vinnslu sjávarafurða eða aðra starfsemi
• fjöldi heilsársstarfa fyrir karla og konur
• sem bestri nýtingu þeirra veiðiheimilda sem fyrir eru í byggðalaginu
• öflugri starfsemi til lengri tíma sem dregur sem mest úr óvissu um framtíðina
• jákvæðum áhrifum á önnur fyrirtæki og samfélagið
• traustri resktrarsögu forsvarsmanna umsækjanda

Umsóknum sem ekki falla að markmiðum verkefnisins verður hafnað.

Umsóknareyðublað, ásamt nánari upplýsingum er að finna á vef Byggðastofnunar www.byggdastofnun.is. Umsóknir skal senda til Byggðastofnunar, á netfangið postur@byggdastofnun.is fyrir kl. 12:00 fimmtudaginn 10. nóvember 2016.

Nánari upplýsingar veitir Sigurður Árnason sérfræðingur á þróunarsviði.