Fréttir

Stjórn Byggðastofnunar hefur ákveðið að stofnunin hætti afgreiðslu lánsbeiðna þar til niðurstaða liggur fyrir af hálfu stjórnvalda um framtíðarskipan fjármálastarfsemi Byggðastofnunar.

Stjórn Byggðastofnunar hefur ákveðið að stofnunin hætti afgreiðslu lánsbeiðna þar til niðurstaða liggur fyrir af hálfu stjórnvalda um framtíðarskipan fjármálastarfsemi Byggðastofnunar.  Ákvörðun þessi var tekin í ljósi þess að eiginfjárhlutfall stofnunarinnar er nú komið niður fyrir þau mörk sem áskilin eru í lögum um fjármálafyrirtæki nr. 161/2002, og því er óhjákvæmilegt að bregðast við.  Ástæður þessarar stöðu eru tvíþættar.  Annars vegar hefur útlánatap undanfarinna ára, auk afskrifta á hlutafjáreign veikt efnahag stofnunarinnar, og á hinn bóginn hefur breytt rekstrarumhverfi valdið því að tekjur hennar hafa dregist verulega saman sem gerir stofnunina ver í stakk búna en áður var að þola þá áhættu sem af rekstri sem þessum leiðir.  Rétt er að taka það fram sérstaklega að öll loforð sem stofnunin hefur gefið halda að sjálfsögðu gildi sínu.  Það er von stjórnar og starfsmanna að þessari óvissu verði eytt sem allra fyrst.