Fréttir

Umsóknarfrestur um Aflamark Byggðastofnunar sem auglýst var þann 10. maí sl. rann út á hádegi þann 28. maí. Samtals barst 21 umsókn. Í byggðarlögunum Þingeyri, Suðureyri, Drangsnesi, Hólmavík, Hrísey, Borgarfirði eystra, Breiðdalsvík og Djúpavogi barst ein umsókn á hverjum stað. Tvær umsóknir bárust vegna byggðarlaganna Raufarhafnar og Bakkafjarðar, þrjár vegna Tálknafjarðar og sex vegna Grímseyjar.

Yfirferð umsókna er hafin, en til að auka fyrirsjáanleika er mikilvægt að ljúka afgreiðslu þeirra og samningagerð í tíma áður en nýtt fiskveiðiár hefst og núgildandi samningar renna út.  

Aflamark Byggðastofnunar byggir á 10. gr. a í lögum um stjórn fiskveiða og reglugerð nr. 643/2016 og er ætlað að auka byggðafestu í minni sjávarbyggðum sem háðar eru sjávarútvegi, eiga takmarkaða möguleika á annarri atvinnuuppbyggingu, eru fjarri stærri byggðakjörnum og utan fjölbreyttra vinnusóknarsvæða.

 Spurt og svarað um Aflamark Byggðastofnunar.