Fréttir

Samkvæmt frétt Stjórnarráðsins um úthlutunina bárust alls 100 umsóknir um styrki í Lóu í ár, en umsóknarfrestur rann út 11. maí sl. Verkefnin 21 eru fjölbreytt og teygja anga sína út um allt land, allt frá vöruþróun úr þörungum og rannsóknum á nýtingu sjávarfalla, yfir í stuðning við frumkvöðla og sprotafyrirtæki á landsbyggðinni. Samkvæmt fyrrnefndri frétt Stjórnarráðsins er ljóst á þeim umsóknum sem bárust að mikill áhugi virðist nú vera á nýtingu og sköpun verðmæta úr þörungum um allt land. 

Lóa var sett á laggirnar á síðasta ári í kjölfar endurskoðunar á nýsköpunarstefnu Íslands og niðurlagningar Nýsköpunarmiðstöðvar Íslands. Lóa er einnig hugsuð sem stuðningur við sóknaráætlanir landshlutanna og byggðaáætlun og miðar m.a. að því að að fjölga umsóknum frá landsbyggðinni í Tækniþróunarsjóð Rannís og aðra sjóði með því að veita sterkum verkefnum brautargengi og fjármagn til að komast lengra.

Nýsköpun er kraumandi í byggðum landsins, nú sem aldrei fyrr. Byggðastofnun óskar styrkhöfum til hamingju með úthlutanirnar.