Fréttir

Tveir viðburðir verða haldnir í Norður-Noregi dagana 16.-22. september n.k. og eru ætlaðir ungu fólki á aldrinum 18-30 ára. Allt að fimm íslenskir þátttakendur eiga möguleika á að fá ferðastyrk til að sækja viðburðina.

Ráðstefnan Generation Barents er haldin dagana 19.-22. september og ætluð ungmennum á norðanverðum Norðurlöndum á aldrinum 18-30 ára. Ráðstefnugjald er ekkert og  NORA (Norræna Atlantssamstarfið) býður allt að fimm íslenskum þátttakendum flug og gistingu.

Markmiðið með Generation Barents 2024 er að fá ungt fólk á Norðurlöndum til að ræða saman og ýta úr vör hugmyndum sem miða að því að byggja upp bjartari framtíð á Barents-svæðinu. Margskonar málefni verða til umræðu, áskoranir varðandi íbúaþróun, húsnæðismál, loftslagsbreytingar og fleira. 

Ráðstefnan verður haldin í Bodø í Norður-Noregi. Ungmennum frá norðanverðum Noregi, Finnlandi og Svíþjóð, auk Grænlands, Færeyja og Íslandi er boðið að taka þátt.

Auk ráðstefnunnar Generation Barents er boðið upp á aðra samkomu dagana á undan sem tengist sama viðburði og kallast Generation North Atlantic, haldið dagana 16.-19. september og inniheldur bæði fundi og viðburði og farið verður m.a. um Lofoten. Þessi viðburður er ætlaður ungmennum frá Íslandi, Grænlandi, Noregi og Færeyjum.

Ferðastyrkur fyrir allt að fimm þátttakendur frá Íslandi er mögulegur en þarf að sækja um sérstaklega.

Skráningarfrestur er fyrir 30. ágúst n.k. og taka þarf fram hvort verið er að skrá sig á báða viðburðina.

Nánari upplýsingar gefur Eilen Zakariassen netfang eilzak@nfk.no

Skráning á Generation Barents

Skráning á Generation North Atlantic

 Dagskrá Generation Barents má nálgast hér

Dagskrá Geneation North Atlantic má nálgast hér