Fréttir

Byggðastofnun sendir nú þjónustukönnun til hluta viðskiptavina sinna með það að markmiði að kanna ánægju með þjónustuna og bæta hana. Könnunin er send í tölvupósti en einnig er hægt að nálgast hana á stiku efst á heimasíðu stofnunarinnar eða hér.

Við hvetjum alla þá sem þegið hafa þjónustu nýlega að taka þátt. Það er mikils virði að fá álit viðskiptavina sem geta auðveldað stofnuninni að skipuleggja þjónustuna þannig að hún reynist sem best.

Könnunin er hluti af verkefni fjármála- og efnahagsráðuneytisins um mælingar á ánægju viðskiptavina með þjónustu hins opinbera. 

Tilgangur þjónustukönnunar ríkisstofnana er að meta ánægju með opinbera þjónustu og auðvelda stofnunum að skipuleggja þjónustuna þannig að hún reynist sem best. Niðurstöðurnar verða birtar á vef stjórnarráðsins.

Lesa nánar um verkefnið

Könnunin er framkvæmd af markaðsrannsóknarfyrirtækinu Prósent og er nafnlaus og órekjanleg. Ekki þarf að skrá sig inn eða gefa neinar persónuupplýsingar.