Fréttir

Opnað hefur verið fyrir umsóknir um svæðisbundna flutningsjöfnun vegna flutnings á árinu 2017. Umsóknafrestur er til miðnættis 31. mars 2018. Athugið að um lögbundinn lokafrest er að ræða, ekki er tekið við umsóknum sem berast eftir þann tíma. Rétt er að benda á að lokað er á skrifstofu Byggðastofnunar 29. mars (Skírdagur) og 30. mars (Föstudagurinn langi) og því er síðasti virki dagur fyrir lok umsóknarfrests þann 28. mars nk. Öllum umsóknum skal skilað inn í gegnum umsóknargátt.

Þeir sem geta sótt um eru einstaklingar og lögaðilar sem uppfylla eftirfarandi skilyrði:

• einstaklingar sem stunda atvinnurekstur og eru með lögheimili á styrksvæði og lögaðilar sem eru með starfsemi og heimilisfesti á styrksvæði.
• umsækjandi þarf að stunda framleiðslu á vöru sem fellur undir c-bálk íslensku atvinnugreinaflokkunarinnar ÍSAT2008.
• innanlandsmarkaður þar sem framleiðsluvaran er seld, til dæmis útflutningshöfn, þarf að vera í að minnsta kosti 245 km frá framleiðslustað. Með öðrum orðum þarf að flytja tilbúna framleiðsluvöru að lágmarki 245 km frá framleiðslustað til þess að geta yfirleitt sótt um styrk.

Upplýsingar um styrkina má finna hér.

Umsjónarmaður verkefnisins er Hrund Pétursdóttir, netfang: hrund@byggdastofnun.is