Fréttir

Byggðastofnun hefur nú birt á vefnum uppfærðar stöðugreiningar landshlutanna. Voru stöðugreiningarnar síðast uppfærðar 2014. 

Stöðugreiningarnar eru lýsing á stöðu hvers landshluta fyrir sig og lýsa þær byggðaþróun á Íslandi síðustu misseri. Í stöðugreiningunum er leitast við að lýsa stöðu helstu þátta er lúta að lífsgæðum og aðstæðum til búsetu svo sem mannfjöldaþróun, efnahagsþróun, menntun, samgöngum og þjónustu.

Leitast er við að setja efni fram á myndrænan hátt með stuttum og lýsandi texta þannig að yfirsýn fáist fljótt og að tengja efnið við bakgrunnsgögn fyrir þá sem vilja kynna sér efnið betur. Greiningarnar eru gefnar út rafrænt á heimasíðu stofnunarinnar og verða ekki gefnar út á pappír. Þar sem um rafræna útgáfu er að ræða er möguleiki á að uppfæra einstaka kafla og það verður gert ef nýjar upplýsingar gefa tilefni til. Nokkur breyting hefur orðið á framsetningu og uppsetningu stöðugreininganna frá 2014 í takt við þá þróun sem orðið hefur.

Þess er vænst að þessi samantekt gagnist sveitarfélögum og landshlutum við stefnumótun og öðrum sem láta sig byggðaþróun í landinu varða á lands- og landshlutavísu og sveitarstjórnarstigi.

Stöðugreiningarnar má nálgast hérna.