Fréttir

NORA auglýsir eftir starfsmanni til starfa við upplýsingamál og verkefnaþróun á Norður Atlantssvæðinu.

6.10.2006

NORA auglýsir eftir starfsmanni til starfa við upplýsingamál og verkefnaþróun á Norður Atlantssvæðinu.

NORA þróar og styður atvinnutengd samstarfsverkefni milli Norður Atlantslandanna. Þetta er áhugavert og krefjandi starf sem felur í sér tengsl við fjölda fólks og fyrirtækja. Til að sinna þessu vill NORA styrkja upplýsingastarfsemi sína og getu til að leggja mat á og þróa verkefni. NORA óskar því eftir að bæta við dugmiklum og reyndum starfskrafti á aðalskrifstofu sína.

Boðið er upp á áhugavert starf með eftirtöldum verkefnum:

• þróun og uppfærslu á ýmiss konar upplýsingaefni
• þróun og uppfærslu á yfirlitum og gagnagrunnum með upplýsingum um verkefni, samstarfsaðila, aðra tengiliði o.fl.
• miðlun á niðurstöðum og framgangi áætlana
• þátttöku í verkefnaþróun og -mati á ýmsum sviðum atvinnulífsins

 

Leitað er að:
Áhugasömum starfsmanni sem vill ná árangri í starfi, helst með háskólamenntun eða samsvarandi og gjarnan með langa starfsreynslu. Viðkomandi þarf að hafa góða þekkingu á vinnu með gagnagrunna og aðra upplýsingatækni, vera opinn og geta unnið sjálfstætt, en geta jafnframt unnið með samstarfsaðilum NORA og þátttakendum í verkefnum. Einnig þarf hann/hún að hafa gott vald á einu Norðurlandamáli og ensku og geta miðlað á þeim tungumálum af fagmennsku. Létt lund er mikils metin.

Skilmálar:
Við ráðningu verður byggt á kjarasamningi viðeigandi stéttarfélags og að öðru leyti á færeyskum reglum. Við ráðningu aðila utan Færeyja verður kostnaður vegna ferðar á staðinn við ráðningu greiddur.

Ráðið verður í starfið frá 1. nóvember 2006 eða sem fyrst eftir það.

Umsóknir skulu berast skrifstofu NORA, Bryggjubakka 12, pósthólf 259, FO-110 Tórshavn, Færeyjum,  í síðasta lagi 20. október 2006.

Frekari upplýsingar veitir Kaspar Lytthans, NORA, í síma +298 35 31 11, +298 31 71 67 eða +298 21 41 28.

NORA eru svæðisbundin verkefnasamtök sem heyra undir Norrænu ráðherranefndina. NORA þróar og styður verkefnasamstarf á milli Færeyja, Grænlands, Íslands, og Norður og Vestur Noregs. NORA vinnur jafnframt með Svíþjóð, Finnlandi og Skotlandi í gegnum Norðurslóðaáætlun Evrópusambandsins.