Fréttir

Byggðastofnun leitar að öflugum liðsfélaga með brennandi áhuga á byggðamálum til starfa á þróunarsviði stofnunarinnar. Í starfinu felst umsjón með samningum um atvinnu- og byggðaþróun, framfylgd verkefna samkvæmt byggðaáætlun, gagnaöflun og úrvinnsla.  Óskað er eftir áhugasömum og jákvæðum einstaklingi til að vinna að fjölbreyttum og krefjandi verkefnum á sviði byggðamála.

Æskilegt er að umsækjandi geti hafið störf sem fyrst. Starfshlutfall er 100%. Staðsetning starfsins er á skrifstofu Byggðastofnunar á Sauðárkróki. Launakjör eru samkvæmt kjarasamningi Samtaka starfsmanna fjármálafyrirtækja.

Helstu verkefni

• Umsjón með samningum um atvinnu- og byggðaþróun
• Þátttaka í verkefnastjórnun um framkvæmd byggðaaðgerða
• Þátttaka í byggðarannsóknum
• Samskipti við innlenda jafnt sem erlenda samstarfsaðila

Hæfniskröfur

• Háskólamenntun sem nýtist í starfi
• Reynsla og þekking af rannsóknum og greiningum
• Reynsla af verkefnastjórnun
• Frumkvæði, metnaður og hæfni til að starfa sjálfstætt og í hópi
• Góð samskiptahæfni
• Gott vald á íslensku og ensku í ræðu og riti
• Kostur að hafa vald á dönsku, norsku eða sænsku

Umsókn þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknin getur gilt í sex mánuði frá birtingu. Öllum umsóknum verður svarað þegar ákvörðun um ráðningu liggur fyrir.

Senda á umsókn til Byggðastofnunar, Sauðármýri 2, 550 Sauðárkróki eða á netfangið postur@byggdastofnun.is

Frekari upplýsingar veitir Sigríður Elín Þórðardóttir, forstöðumaður þróunarsviðs, sigridur@byggdastofnun.is eða í síma 4555455

Umsóknarfrestur er til og með 27. september 2021

Auglýsing á pdf formi