Fréttir

Byggðastofnun hefur innleitt stafræna pósthólfið á island.is og miðlar nú gögnum með þeim hætti til einstaklinga og fyrirtækja í samræmi við lög nr. 105/2021 um stafrænt pósthólf sem tóku í gildi 1. janúar 2025. Markmið pósthólfsins er að stuðla að skilvirkri opinberri þjónustu, auka gagnsæi við meðferð mála og hagkvæmni í stjórnsýslu og tryggja örugga leið til að miðla gögnum til einstaklinga og lögaðila.

Þegar gögn eru gerð aðgengileg í stafræna pósthólfinu teljast þau birt viðtakanda með fullgildum hætti. Þetta þýðir að skjöl, til dæmis tilkynningar, ákvarðanir, greiðsluáskoranir og stefnur, teljast lögformlega birt þegar þau eru sett inn í stafræna pósthólfið. Heimilt er að birta bæði almennar og viðkvæmar persónuupplýsingar í stafrænu pósthólfi, samkvæmt lögum um persónuvernd.

Á island.is má stýra hvernig hnippum er háttað þegar ný bréf eru birt í pósthólfinu.