Fréttir

Hún sótti um styrk til verkefnisins og fékk til kaupa á góðri saumavél og til markaðssetningar á púðunum. 

“Þyngdin á hörfræjunum og ilmurinn af lavender hjálpar þér við að slaka á. Þú leggur hann yfir enni og augu og tekur smá pásu í amstri dagsins eða hefur hann við koddann og skellir honum á áður en þú ferð að sofa, best að kæla hann fyrir notkun. Það er svo oft mikil spenna við augnsvæðið” segir Solveig og bætir við að fólk sem kaupi púðann geti óskað eftir að fá kennslumyndband um slökun.  

Solveig hyggur á námskeið um hvernig hægt er að takast á við stress með slökun og er allar upplýsingar að finna á Instagramsíðu hennar Friði og ró og á síðunni á Facebókinni.  

Verkefnið hlaut bæði styrk úr Sterkum Stöðvarfirði og Uppbyggingarsjóði Austurlands. 

Byggðastofnun veitir árlega styrki til samfélagsverkefna á vegum verkefnisins Brothættra byggða. Markmið Brothættra byggða er að stöðva viðvarandi fólksfækkun í smærri byggðakjörnum og sveitum landsins. Verkefnið fagnar nú 10 ára afmæli og af því tilefni verður afmælishátíð Brothættra byggða haldin á Raufarhöfn þann 5. október næstkomandi.