Fréttir

Skýrslur um mannfjöldaspár Byggðastofnunar sem gefnar voru út í mars 2018 annars vegar og september 2019 hins vegar hafa verið uppfærðar.

Um er að ræða leiðréttingar sem ástæða þótti að gera þó þær séu ekki stórvægilegar.

Minniháttar málfarsvillur voru lagaðar og skýringartexti við mannfjöldamyndir fyrir heildarfjölda karla og kvenna í viðauka skýrslunnar frá september 2019. Þar var ranglega farið með upphafsár mannfjöldaspárinnar en þar stóð að hún væri frá 2017 en hið rétta er að hún er frá 2019.

Megin leiðréttingin fólst hins vegar í uppfærslu á gröfum fyrir búferlaflutninga eftir aldri í viðaukum beggja skýrsla. Þar voru leiðrétt gröf sem sýna samtölur búferlaflutninga fyrir konur annars vegar og karla hins vegar. Láðst hafði að bæta búferlaflutningum milli Íslands og útlanda á spátímabilinu við og sýndu gröfin því einungis búferlaflutninga til og frá svæðum innanlands. Í flestum tilvikum hefur þetta ekki mikil sýnileg áhrif en hefur nú verið leiðrétt.

Skýrslurnar má nálgast undir Útgefið efni á heimasíðu stofnunarinnar.