Fréttir

Vífill Karlsson hagfræðingur og dósent við Háskólann á Bifröst og Byggðastofnun hafa undirritað samkomulag um stuðning Byggðastofnunar við  doktorsverkefni Vífils, sem er rannsókn á tengslum samgöngubóta og búferlaflutninga.

Byggðastofnun gerist samstarfsaðili og útgefandi að heildarskýrslu verkefnisins og fær afnotarétt að búferlaflutningalíkani sem nýst getur til mannfjöldaspáa fyrir einstök landsvæði ef niðurstöður mælinganna verða nægjanlega áreiðanlegar og traustar. 

Byggt verður á gagnasafni sem í flestum tilfellum nær til allra landsvæða frá árunum 1981-2004.   Þess er vænst að verkefnið hafi almenna skírskotun til búferlaflutninga á milli svæða á Íslandi og er því gott framlag inn í umræðu og stefnumótun í byggða- sem og samgöngumálum.