Fréttir

Íbúafjöldamælaborð Byggðastofnunar

Mælaborð Byggðastofnunar um íbúafjölda sveitarfélaga og byggðakjarna hefur verið uppfært með mannfjöldatölum Hagstofu Íslands frá 1. janúar 2021. Íbúar á Íslandi eru 368.792 en þar af búa 351.350 (95%) í byggðakjörnum og 17.442 (5%) í dreifbýli. Á höfuðborgarsvæðinu eru 236.528 íbúar (64% landsmanna) en 132.264 (36%) utan höfuðborgarsvæðis.

Í mælaborðinu eru byggðakjarnar og sveitarfélög sýnd á korti og upplýsingar um íbúafjölda, kynjaskiptingu og aldursdreifingu birtast þegar músarbendill er færður yfir svæði á kortinu.

Nýjum flipa „Töfluyfirlit“, þar sem hægt er að sía gögnin eftir helstu breytum, hefur jafnframt verið bætt við mælaborðið.

Hægt er að fara inn á mælaborðið á heimasíðu Byggðastofnunar.