Fréttir

Norðurslóðaáætlunin 2014-2020 styrkir verkefni á fjórum áherslusviðum:

1. Verkefni sem  stuðla að nýsköpun sem styrkir samkeppnishæfni samfélaga.
2. Verkni sem  efla frumkvöðlastarfsemi og nýta mögleika sem felast í styrkleikum og samkeppnisforskoti áætlunarsvæðisins.
3. Verkefni sem hlúa að orkuöryggi með því að hvetja til orkusparnaðar og notkun  endurnýjanlegrar orku.
4. Verkefni sem vernda, þróa og koma á framfæri menningarlegri og náttúrulegri arfleið.

Aðalverkefni

Hámarksstærð aðalverkefna er 2 milljónir evra og er styrkur er háður a.m.k. 40% mótframlagi umsóknaraðila en styrkur til fyrirtækja er háður 50% mótframlagi.  Mikilvægt er að verkefnin skili af sér afurð, vöru og/eða þjónustu sem er til þess fallin að bæta atvinnulíf, búsetu og/eða auka öryggi íbúa á norðurslóðum.

Þátttakendur geta m.a. verið fyrirtæki, sveitarfélög, ríkistofnanir, atvinnuþróunarfélög, mennta- og rannsóknarstofnanir og frjáls félagasamtök.

Þátttakendur verða að vera a.m.k. þrír og þar af einn frá Evrópusambandslandi. Samstarfslöndin auk Íslands eru Finnland, Svíþjóð, Skotland, Írland, Norður-Írland, Noregur, Grænland og Færeyjar.

Frestur til að skila umsóknum um aðalverkefni er til 10. apríl 2015.

Forverkefni

Tilgangur forverkefna er að:

• stuðla að gerð sterkra aðalverkefna
• stuðla að góðu jafnvægi á milli þátttakenda
• stuðla að sameiginlegri verkefnisáætlun.

Hámarksstærð forverkefna er 45.000 evrur, styrkur háður a.m.k. 35% mótframlagi. þátttakendur þurfa a.m.k. að vera frá tveimur þátttökulöndum og verkefnið verður að falla að áherslum áætlunarinnar

Enginn sérstakur skilafrestur er á forverkefnisumsóknum.

Nánari upplýsingar um áherslusvið, umsóknareyðublöð og leiðbeiningar eru að finna á heimasíðu Norðurslóðaáætlunarinnar www.interreg-npa.eu

Nánari upplýsingar veitir tengiliður áætlunar Sigríður Elín Þórðardóttir í síma 4555400 eða með vefpósti sigridur@byggdastofnun.is