Fréttir

Skjáskot úr mælaborði

Nú er komið út mælaborð með gögnum Hagstofu Íslands um ríkisfang íbúa svæða. Mælaborðið gefur yfirsýn yfir fjölda íslenskra og erlendra íbúa sveitarfélaga og landshluta, kynja- og aldursdreifingu í hvorum hópi fyrir sig og helstu þjóðerni erlendra ríkisborgara sem búa á Íslandi.

Samkvæmt tölum Hagstofunnar bjuggu 5.635 erlendir ríkisborgarar á Íslandi árið 1998 sem samsvaraði 2% íbúa landsins. Í ársbyrjun 2022 voru erlendir ríkisborgarar orðnir 55.002 og þá hafði hlutfall þeirra af íbúum landsins aukist upp í um 15%. Á sama árabili fjölgaði íbúum með íslenskt ríkisfang um 54.500 eða 20%.

Mælaboðið er aðgengilegt hér.