Fréttir

Heimsfaraldurinn Covid 19 hefur margvísleg áhrif á starfsemi Byggðastofnunar eins og annarra fyrirtækja og stofnana.  Hluti starfsmanna vinnur heima auk þess sem skrifstofunni hefur verið skipt í tvö hólf og lokað á milli.  Þá hefur afgreiðslu stofnunarinnar verið lokað tímabundið.  Það er von okkar að hagaðilar og viðskiptavinir stofnunarinnar verði ekki mikið varir við þetta.  Hins vegar má reikna með lengri afgreiðslutíma erinda, einkum á lánasviði þar sem málafjöldi hefur vaxið að miklum mun í faraldrinum vegna vanda fyrirtækja í ferðaþjónustu og skyldum greinum, auk þess sem skjalagerð og skráning er flóknara viðfangsefni en vanalega meðan á þessu stendur.  Við biðjum viðskiptavini okkar afsökunar á óþægindum sem af þessu kunna að leiða.