Fréttir

Byggðastofnun óskar eftir að ráða drífandi talnasnilling sem býr yfir miklu frumkvæði, skipulögðum vinnubrögðum og getu til að sinna spennandi rannsóknum á sviði byggðamála auk greiningu fjárhagsupplýsinga, einkum á sviði póstmála. Um er ræða spennandi starf fyrir einstakling sem hefur áhuga á leiða faglegt starf, sinna rannsóknum, greiningum og þekkingarmiðlun. Æskilegt er að umsækjandi geti hafið störf sem fyrst. Starfshlutfall er 100%. Launakjör eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Helstu verkefni:

• Greining á fjárhagsupplýsingum – bókhaldskerfum. Góð kunnátta í Excel skilyrði
• Framkvæmd rannsókna og úrvinnsla gagna
• Skýrsluskrif og þekkingarmiðlun
• Faglegur stuðningur við ýmis verkefni á sviði tölfræðigreininga og gagnaúrvinnslu

Menntunar- og hæfniskröfur

• Háskólamenntun á sviði hagfræði, viðskiptafræði eða af sambærilegu sviði sem nýtist í starfi
• Góð hæfni í úrvinnslu fjárhagsupplýsinga og notkun á gagnavinnslukerfum, einkum Excel  
• Þekking og reynsla af rannsóknum
• Góð færni í samskiptum
• Drifkraftur, metnaður og skipulagshæfileikar
• Gott vald á íslensku og ensku í ræðu og riti

Frekari upplýsingar um starfið

Byggðastofnun er framsækinn vinnustaður sem býður upp á opið starfsumhverfi og samheldinn starfsmannahóp. Umsækjendum er bent á að frekari upplýsingar um Byggðastofnun á vefsíðunni www.byggdastofnun.is

Aðalskrifstofa stofnunarinnar er í nýju húsnæði á Sauðárkróki en í samræmi við byggðastefnu stjórnvalda er möguleiki á að ráða í starfið óstaðbundið.  Byggðastofnun hefur tekið saman og birt upplýsingar um mögulegar starfsstöðvar fyrir óstaðbundin störf sem má finna á vefsíðu stofnunarinnar. Umsækjendur eru beðnir um að tilgreina ósk um starfsstöð í umsókn sinni.

Umsókn þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknin getur gilt í sex mánuði frá birtingu. Öllum umsóknum verður svarað þegar ákvörðun um ráðningu liggur fyrir.

Senda skal umsókn til Byggðastofnunar, Sauðármýri 2, 550 Sauðárkróki eða á netfangið postur@byggdastofnun.is. Frekari upplýsingar um starfið veita Sigríður Elín Þórðardóttir forstöðumaður þróunarsviðs, sigridur@byggdastofnun.is eða Hjalti Árnason forstöðumaður lögfræðisviðs, hjalti@byggdastofnun.is eða í síma 455 5455.

Umsóknarfrestur er til og með 15. maí 2023

Atvinnuauglýsing á PDF formi