Fréttir

Byggðastofnun auglýsir laust til umsóknar starf bókara á rekstrarsviði stofnunarinnar. Um er að ræða 100% starf og er æskilegast að viðkomandi geti hafið störf sem fyrst.

Bókari vinnur við daglega bókhaldsvinnu Byggðastofnunar.  Bókari sér um að halda bókhald í samræmi við bókhaldsreglur og bókhaldslög, meta nákvæmni skjala og skráa m.t.t. greiðslna, kvittana o.þ.h. Bókari annast merkingu fylgiskjala, sér um skráningu gagna í bókhald stofnunarinnar og sér um uppfærslu og afstemmingu á þeim. Hann sér um skráningu og bókun innsendra reikninga á stofnunina í greiðslubókhald. 

Bókari sér einnig um skráningu lánaskjala í lána- og tryggingakerfi og frum- og milliinnheimtu útlána.   Bókari er í miklum samskiptum við aðalbókara, forstöðumenn og viðskiptavini.

Næsti yfirmaður er forstöðumaður rekstrarsviðs

Helstu verkefni og ábyrgð

• Móttaka, forskráning og bókun innsendra reikninga í bókhaldskerfi og eftirfylgni með samþykkt þeirra
• Bókun sölureikninga, millifærslna og innborgana og afstemmingar bankareikninga o.fl.
• Skráning lánaskjala í lána og tryggingakerfi, frum- og milliinnheimta útlána
• Upplýsingagjöf og þjónusta við viðskiptavini og forstöðumenn
• Samskipti við leigjendur fullnustueigna
• Símsvörun

Menntunar- og hæfniskröfur

• Stúdentspróf eða sambærileg menntun skilyrði
• Reynsla af bókhaldsstörfum, viðurkenndur bókari er kostur
• Þekking á BC365 eða sambærilegu bókhaldskerfi
• Mjög góð færni í Excel og Word, auk góðrar almennrar tölvuþekkingar
• Talnagleggni, skipulagshæfni, vandvirkni og nákvæmni
• Frumkvæði og sjálfstæði í vinnubrögðum
• Hæfni í mannlegum samskiptum, þjónustulund og sveigjanleiki

Launakjör eru samkvæmt samningum SSF.

Umsóknarfrestur er til og með 25. apríl 2023. Umsóknum skal skilað á umsóknarformi sem finna má á heimasíðu stofnunarinnar, byggdastofnun.is  Með umsókn skal fylgja ferilskrá og afrit af prófskírteinum. Umsókn getur gilt í 6 mánuði.

Nánari upplýsingar veitir Magnús Helgason, forstöðumaður rekstrarsviðs í síma 455-5400 eða í gegnum tölvupóstfangið magnus@byggdastofnun.is

Við hvetjum áhugasama, óháð kyni til að sækja um starfið. Starfið er staðsett á nýrri skrifstofu stofnunarinnar á Sauðárkróki. Hjá stofnuninni starfa 25 manns með fjölbreytta menntun og bakgrunn sem sinna fjölbreyttum verkefnum á sviði byggðamála.

Sauðárkrókur er höfuðstaður Skagafjarðar og einn öflugasti byggðakjarni landsbyggðarinnar. Þar er fjölbreytt og öflugt atvinnulíf. Fjölbreytt þjónusta er í boði, kröftugt menningarlíf og öflugt íþróttalíf. Í Skagafirði eru skólar á öllum skólastigum, frá leikskóla til háskóla. Íbúar Sauðárkróks eru rúmlega 2.600 talsins.