Fréttir

Stjórn Byggðstofnunar hefur ákveðið að lækka vexti á óverðtryggðum lánum sem falla undir svokallað COSME ábyrgðasamkomulag sem stofnunin er með við Evrópska Fjárfestingasjóðinn (EIF). Álag á REIBOR lækkar sem nemur 0,2% prósentustigum.

Útlán sem falla undir samkomulagið eru háð ákveðnum skilyrðum og gilda fyrir lánveitingar umfram 75% veðsetningu í lánaflokkunum græn lán og kynslóðaskiptum í landbúnaði.  Þetta á  einnig við um lán sem veitt hafa verið úr lánaflokkunum nýsköpunarlán, lán til stuðnings atvinnurekstri kvenna og lán til fiskvinnslu/útgerða í viðkvæmum sjávarbyggðum. Þessum lánaflokkum er ætlað að styðja við verkefni í dreifðari byggðum þar sem aðgengi að fjármagni hefur reynst takmarkað.

Gilda þessar breytingar frá og með 1. desember 2022 og eiga jafnt við um ný sem eldri lán.  Breytingin tekur sjálfkrafa gildi á núverandi lánum án aðgerða af hálfu lántaka. 

Allar upplýsingar um lánaflokka og umsóknargátt má finna hér á síðunni undir "Fjármögnun".