Fréttir

Guðný Rós Jónsdóttir

Meistaraverkefni um mynstur þjónustusóknar í heilbrigðisþjónustu á Suðvesturlandi með tilliti til vinnusóknar til höfuðborgarsvæðisins

Guðný Rós Jónsdóttir lauk í júní meistaranámi í aðferðafræði frá Félagsfræði-, mannfræði og þjóðfræðideild Háskóla Íslands. Lokaverkefni hennar var eitt þeirra þriggja verkefna meistaranema sem hlaut styrk Byggðastofnunar í desember 2023. Viðfangsefni rannsóknarinnar var að skoða þjónustusókn heilbrigðisþjónustu á Suðvestursvæði landsins með tilliti til vinnusóknar með það að markmiði að skilgreina þjónustusvæði heilbrigðisþjónustu á svæðinu. Í rannsókninni var unnið með fyrirliggjandi gagnasafn Byggðastofnunar og það notað til greiningar. Spurningar um heilbrigðisþjónustu voru endurkóðaðar og notaðar í aðhvarfsgreiningu. 

Í rannsókninni er greint frá því að landfræðileg sérstaða suðvestursvæðisins sé vegna nálægðar við höfuðborgarsvæðið þar sem framboð þjónustu er mikið sem og aðgengi að sérhæfðri þjónustu. Heilbrigðisumdæmi Vesturlands, Suðurlands og Suðurnesja eru jafnframt með sterka þjónustukjarna í næsta nágrenni. Nokkuð algengt er að íbúar svæðisins sæki vinnu til höfuðborgarsvæðisins og því megi ætla að vinnusókn hafi áhrif á þjónustusókn heilbrigðisþjónustu á Suðvesturlandi.

Fram kemur að þjónustusókn til höfuðborgarsvæðisins er minni frá þjónustumiðstöðvum á suðvestursvæðinu en frá fjarlægari, dreifbýlli svæðum á Suðurlandi og Vesturlandi þegar kemur að sérfæðiþjónustu. Á Akranesi og Selfossi eru umdæmissjúkrahúsin mest að þjónusta íbúa viðkomandi byggðakjarna en umdæmissjúkrahús Keflavíkur sinnir jafnt þjónustu til íbúa Keflavíkur og annarra íbúa umdæmanna. Niðurstöður sýna að jákvætt samband er á milli vinnu- og þjónustusóknar til höfuðborgarsvæðisins þegar kemur að heilsugæsluþjónustu. Jafnframt að vinnusókn hafi áhrif á hvort einstaklingar sæki heilsugæsluþjónustu í umdæmissjúkrahús, þeir sem starfa á höfuðuborgarsvæðinu eru ólíklegri til þess.

Sjá meistararitgerð: Getur þú ekki bara farið til Reykjavíkur?

Byggðastofnun hefur frá árinu 2015 veitt styrki til meistaranema sem vinna að lokaverkefnum á sviði byggðaþróunar og hefur það verið kostur ef verkefnið hefur skírskotun til byggðaáætlun