Fréttir

NPA svæðið 2021-2027

Fyrsta kalli Norðurslóðaáætlunarinnar 2021-2027 lýkur þann 20. júní kl. 10:00 að íslenskum tíma (12:00 CET). Opið er fyrir verkefni sem snúa að forgangssviðum 1 - að styrkja nýsköpunarhæfni þrautseigra og aðlaðandi samfélaga á starfssvæði áætlunarinnar og 2 - að styrkja getu samfélaga á starfssvæði áætlunarinnar til að laga sig að loftslagsbreytingum og bættri auðlindanýtingu.

Undir þessum forgnagssviðum eru skilgreind afmarkaðri undirmarkmið  

1. Styrkja nýsköpunarhæfni þrautseigra og aðlaðandi samfélaga á starfssvæði áætlunarinnar.
1.1. Þróa og bæta rannsókna- og nýsköpunarhæfni og nýtingu hátækni.
1.2. Nýta kosti stafvæðingarinnar fyrir íbúa, atvinnulíf, rannsóknastofnanir og stjórnvöld.
1.3. Styrkja sjálfbæran vöxt, samkeppnishæfni og fjölgun starfa hjá litlum og meðalstórum fyrirtækjum.
2. Styrkja getu samfélaga á starfssvæði áætlunarinnar til að laga sig að loftslagsbreytingum og bættri auðlindanýtingu.
2.1. Stuðla að betri orkunýtingu og draga úr losun gróðurhúsalofttegunda.
2.2. Styðja aðlögun að loftslagsbreytingum, varnir gegn hamförum og seiglu með beitingu vistkerfislausna (ecosystem based approaches).
2.3. Styðja við umbreytinguna yfir í hringrásarhagkerfið og betri orkunýtingu.

Skilyrði umsókna eru m.a. að verkefnisaðilar komi frá a.m.k. þremur löndum á starfssvæði áætlunarinnar og þar af einu frá aðildarlandi ESB. Allar frekari upplýsingar um þetta fyrsta kall áætlunarinnar er að finna á heimasíðu hennar.