Fréttir

Byggðastofnun

Á fundi stjórnar Byggðastofnunar þann 9. október síðastliðinn var tekin ákvörðun um að bjóða viðskiptavinum stofnunarinnar upp á óverðtryggð lán. Þetta er í fyrsta skipti sem stofnunin bíður uppá óverðtryggð lán en vextir á lánunum verða með 3,5% álagi ofan á REIBOR.

Hlutverk Byggðastofnunar er að vinna að eflingu byggðar og atvinnulífs á landsbyggðinni. Í samræmi við hlutverk sitt vinnur stofnunin að undirbúningi, skipulagi og fjármögnun verkefna og veitingu lána með það að markmiði að treysta byggð, efla atvinnu og stuðla að nýsköpun í atvinnulífi.

Markmið lánastarfseminnar er meðal annars að tryggja fyrirtækjum og einstaklingum í atvinnurekstri á landsbyggðinni aðgang að langtímalánum á sem hagstæðustum kjörum, stuðla að vexti framsækinna fyrirtækja, nýsköpun í atvinnulífi og eflingu byggða.

Með þessum nýja valkosti fyrir viðskiptavini stofnunarinnar vonast Byggðastofnunar eftir því að styðja enn frekar við nýsköpun í atvinnulífi og vöxt framsækinna fyrirtækja á starfssvæði stofnunarinnar sem mun til framtíðar efla byggð og búsetu í landinu.

Skilyrði fyrir lánveitingum með óverðtryggðum vöxtum er að þau séu ekki notuð til að endurfjármagna verðtryggð lán hjá stofnuninni og gjalddagar verði að lágmarki 2 á ári.  Lánsíminn er allt að 15 ár en aðrar reglur Byggðastofnunar um útlán eru óbreyttar.

Nánari upplýsingar veitir Elín Gróa Karlsdóttir forstöðumaður fyrirtækjasviðs, í síma 455-5400 eða í tölvupósti elin@byggdastofnun.is