Fréttir

Nýverið var úthlutað styrkjum úr Byggðarannsóknasjóði til fjögurra verkefna. Í þeim eru skoðuð staða innflytjenda á vinnumarkaði, náttúruhamfarir á Seyðisfirði og félagsleg seigla, launamunur hjúkrunarfræðinga í höfuðborginni og á Akureyri og borin saman tvö fámenn sveitarfélög sem byggja á landbúnaði.

Umsóknarfrestur var til 22. mars og alls bárust tíu umsóknir í sjóðinn, samtals að upphæð 38,5 m.kr.

Niðurstaða stjórnar var að veita styrki að heildarfjárhæð 10 m.kr. til eftirfarandi fjögurra verkefna:

Stutt lýsing á hverju verkefni:

Innflytjendur og staða þeirra á vinnumarkaði í Covid-kreppu: Hver er staða innflytjenda á vinnumarkaði landsbyggðarinnar í samanburði við höfuðborgarsvæðið á tímum Covid?

Kanna á hver staða innflytjenda er á vinnumarkaði og að afla gagna til að hanna móttökuáætlun og marka stefnu í málefnum innflytjenda í landshlutunum þremur sem að þessari rannsókn standa. Staða innflytjenda á höfuðborgarsvæðinu verður borin saman við landið allt og staða innflytjenda á vinnumarkaði á Vesturlandi einnig borin saman við landið allt.

Náttúruhamfarir og félagsleg seigla - Seyðisfjörður.

Greindar og kortlagðar afleiðingar náttúruhamfaranna á Seyðisfirði með tilliti til samfélagslegrar seiglu. Markmiðið er að skoða og prófa mælitæki sem notuð hafa verið í erlendum rannsóknum til að mæla seiglu eða viðnámsþol í bland við önnur mælitæki sem beitt hefur verið í íslenskum rannsóknum og gera þannig tilraun til heildstæðrar greiningar á þeim kröftum og öflum sem toga samfélagið aftur til jafnvægis og um leið skýra þann nýja jafnvægispunkt sem samfélagið finnur.

Rannsókn á launamun hjúkrunarfræðinga á Landspítalanum og hjúkrunarfræðinga á Sjúkrahúsinu á Akureyri með aðferðum jafnlaunagreiningar.

Bæta þekkingu á launamun starfsmanna á hinum íslenska vinnumarkaði og varpa betra ljósi á þá umræðu sem hefur átt sér stað undanfarin ár um launamun milli höfuðborgarsvæðisins og landsbyggðarinnar. Skoða laun og launasamsetningu hjúkrunarfræðinga á Landspítalanum og hjúkrunarfræðinga á Sjúkrahúsinu á Akureyri með aðferðum jafnlaunagreiningar.

Margur er knár þó hann sé smár: Hvað útskýrir óvenju ólíka velgengni nokkuð sambærilegra fámennra landsvæða eins og Dala- og V-Húnavatnssýslu?

Komast á að því hvort læra megi af samanburði Dalabyggðar og A-Hún. og yfirfæra þekkinguna til styrkingar þeim samfélögum. Safna almennri þekkingu sem yfirfæra má á önnur landsvæði sem hafa komið illa út úr mælingum Íbúakönnunarinnar. Bæði svæðin eru fámenn, tiltölulega einangruð/fjarlæg og byggja á landbúnaði.