Fréttir

Hagstofa Íslands hefur birt tölur um mannfjöldann þann 1. desember 2010. Þróunarsvið Byggðastofnunar hefur tekið saman greinargerð um helstu breytingar á  íbúafjölda sveitarfélaga og landssvæða frá 1.desember 2009 en einnig fyrir tímabilið 1. desember 2001- 1. desember 2010. Þessi áratugur hefur verið mikill umrótatími með miklum sveiflum í atvinnulífi og búsetuþróun.

Íbúum á landinu fjölgaði í heildina um 11% á tímabilinu. Þeirri fjölgun var mjög misskipt þar sem að íbúum á Suðurnesjum fjölgaði um fjórðung og á Höfuðborgarsvæðinu um 13% á meðan íbúum á Vestfjörðum fækkaði um 11% og um rúmlega 5% á Norðurlandi vestra. Í einstökum sveitarfélögum fjölgaði íbúum um tugi prósenta á meðan það fækkaði í öðrum um meira en fimmtung. Í umfjölluninni er allsstaðar miðað við núverandi sveitarfélagaskipan.

Greinargerðina má nálgast hér.

Prentvænar útgáfur af kortum í greinargerðinni má nálgast hér.