Fréttir

Hagstofa Íslands birti í dag íbúatölur fyrir 1.janúar sl. Þegar rýnt er í tölurnar sem liggja að baki meðaltölum landshlutanna kemur margt athyglisvert ljós. Hægt er að nálgast upplýsingar um fjölda íbúa og aldurssamsetningu frá 1998 niður á einstök landssvæði og sveitarfélög á myndræna hátt á heimasíðu Byggðstofunar. 

Hér koma nokkrir punktar en þessi upptalning er hvergi nærri tæmandi. 

• Suðurnesjum fjölgaði um 7,4% eða um tæplega 1.800 manns. Mest varð fjölgunin í Reykjanesbæ um 1.455 einstaklinga (8,9%). Annars staðar í landshlutanum fjölgaði um 3,3-5,6%.
• Í Ísafjarðarbæ fjölgaði um 99 einstaklinga eða 2,7%, í Bolungarvík um 37 einstaklinga eða ríflega 4% og í Súðavíkurhreppi um 10 einstaklinga. 
• Íbúum Strandabyggðar heldur áfram að fækka. Þar fækkaði um 17 einstaklinga á síðasta ári eða 3,6%.
• Íbúum í Húnavatnshreppi fækkaði um 25 (6,1%). 
• Íbúum Akureyrar fjölgaði um 299 (1,6%) á árinu. Alls staðar var fjölgun við Eyjafjörð nema í Fjallabyggð. 
• Íbúum Norðurþings fjölgaði um 271 (9,2%), Skútaustaðahrepps um 68 (16%) og Þingeyjarsveitar um 47 (5,1%).
• Fjölgun íbúa varð á Fljótsdalshéraði um 54 (1,6%), á Seyðisfirði um 26 (4%) og í Fjarðabyggð um 86 íbúa (1,8%).
• Mikil fólksfjölgun varð í Skaftafellssýslum. Í Sveitarfélaginu Hornafirði fjölgaði um 119 íbúa (5,4%), í Skaftárhreppi um 85 íbúa (17,9%) og í Mýrdalshreppi um 71 íbúa (12,6%). 
• Í Skeiða- og Gnúpverjahreppi fjölgaði um 96 einstaklinga (16,2%) og í Bláskógabyggð um 89 einstaklinga (8,7%).
• Þá hélt íbúum áfram að fjölga í Sveitarfélaginu Árborg voru þeir rétt tæplega 9.000 í ársbyrjun og hafði fjölgað um 524 (6,2%) frá árinu áður. Í Hveragerði fjölgaði um 83 og í Sveitarfélaginu Ölfus um 5,3%, 

Eins og áður sagði er hægt að nálgast upplýsingar um fjölda íbúa og aldurssamsetningu frá 1998 niður á einstök landssvæði og sveitarfélög á myndræna hátt á heimasíðu Byggðstofunar.