Fréttir

Öflugur liðsauki

Í tengslum við flutning eftirlits með póstmálum til Byggðastofnunar nú í sumar hefur stofnunin nú ráðið tvo öfluga starfsmenn til þess að sinna þeim verkefnum. 

Súsanna Björg Fróðadóttir er héraðsdómslögmaður með Masterspróf í lögfræði og stundar nám í opinberri stjórnsýslu við Háskóla Íslands. Súsanna er aðstoðarsaksóknari hjá lögreglustjóranum á Suðurnesjum og var áður sjálfstætt starfandi lögmaður og býr yfir mikilli reynslu af flestum sviðum lögfræðinnar. Súsanna býr í Reykjanesbæ ásamt eiginmanni og börnum og mun sinna starfinu þaðan að mestu leyti enda ráðin í starf án staðsetningar. Súsanna mun hefja störf síðar í mánuðinum.

Kristófer Már Maronsson er með BA gráðu í hagfræði með viðskiptafræði sem aukagrein.  Hann hefur mikla reynslu af uppsetningu og greiningu fjárhagsupplýsinga í gegnum störf sín sem fjármála-, rekstrar- og þróunarstjóri aha.is og sérfræðingur í greiningu hjá CenterHotels.  Þá var Kristófer framkvæmdastjóri stúdentaráðs Háskóla Íslands og síðar stjórnarformaður.  Kristófer er uppalinn á Akranesi en býr nú í Reykjavík ásamt konu sinni og tveimur börnum.  Kristófer verður staðsettur á Sauðárkróki og hóf störf í dag. 

Við erum sannfærð um að þau muni falla vel inn í frábæran hóp starfsmanna og gera stofnunina enn öflugri.