Fréttir

Frá heimsókninni

Í gær heimsóttu Arnar Már forstjóri, Hrund forstöðumaður fyrirtækjasviðs og Pétur sérfræðingur á fyrirtækjasviði fulltrúa sveitarfélagsins Dalabyggð í Búðardal.  Þar var einkar vel tekið á móti þeim og ýmis mál rædd, m.a. óstaðbundin störf, póstþjónusta, vöntun á heilbrigðisstarfsfólki og kennurum, verkefnið Brothættar byggðir og uppbygging í atvinnulífinu á svæðinu svo eitthvað sé nefnt. 

Dalabyggð hefur verið þátttakandi í Brothættum byggðum frá árinu 2022 með verkefnið DalaAuður. Áætlað er að verkefninu ljúki í árslok 2025 en meginmarkmið þess eru samkeppnishæfir innviðir, skapandi og sjálfbært atvinnulíf, auðugt mannlíf og öflug grunnþjónusta. Verkefnið hefur gengið afar vel og hefur samfélagið allt komið að því að efla og bæta sína byggð.