Fréttir

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum og reglugerðar nr.606/2015, auglýsir Byggðastofnun eftir samstarfsaðilum um nýtingu viðbótaraflaheimilda á Bakkafirði í Langanesbyggð, allt að 125 þorskígildistonnum á fiskveiðiárunum 2016/2017 og 2017/2018 en allt að 150 þorskígildistonnum á yfirstandandi fiskveiðiári (2015/2016).

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum og reglugerðar nr.606/2015, auglýsir Byggðastofnun eftir samstarfsaðilum um nýtingu viðbótaraflaheimilda á Tálknafirði í Tálknafjarðarhreppi, allt að 400 þorskígildistonnum.

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum, auglýsir Byggðastofnun eftir samstarfsaðilum um nýtingu viðbótaraflaheimilda á Breiðdalsvík í Breiðdalshreppi, allt að 150 þorskígildistonnum. Um er að ræða viðbót við 150 þorskígildistonn sem þegar hefur verið samið um nýtingu á á Breiðdalsvík.

Undirritað hefur verið samkomulag milli Byggðastofnunar, Íslensks sjávarfangs ehf. SE ehf, Bergs ehf. og heimaútgerða á Þingeyri um nýtingu á 400 þorskígildistonnum af Aflamarki Byggðastofnunar auk mótframlags samningsaðila. Samningurinn er til þriggja ára með möguleika á framlengingu til eins árs.

Aflamark Byggðastofnunar er eitt af þeim úrræðum sem stjórnvöld hafa gripið til í því augnamiði að styðja byggðir sem eiga í alvarlegum og bráðum vanda vegna samdráttar í sjávarútvegi. Vifill Karlsson hefur tekið saman skýrslu um árangur af verkefninu það sem af er og eru niðurstöður almennt jákvæðar.

Byggðastofnun, Búlandstindur og Fiskeldi Austfjarða hafa gert með sér samkomulag um aukna byggðafestu á Djúpavogi. Samkomulagið felur í sér samstarf um nýtingu á 400 þorskígildistonna aflaheimildum af Aflamarki Byggðastofnunar auk mótframlags samstarfsaðila í eldis- og bolfiski. Samkomulagið er til 3 ára, með möguleika á framlengingu um 1 ár.

Vegna fréttaflutnings um málefni Flateyrar og Þingeyrar og aflamark Byggðastofnar vill stofnunin taka fram að málið er í þeim farvegi sem lög um stjórn fiskveiða og reglugerð nr. 647/2014 kveða á um. Rétt er að árétta að Byggðastofnun „úthlutar“ ekki byggðakvóta, heldur auglýsir í opnu og gegnsæju ferli eftir samstarfsaðilum um eflingu viðkomandi byggðar og nýtingu þess aflamarks sem stofnunin hefur til ráðstöfunar í byggðarlaginu. Hafa ber í huga að þær aflaheimildir sem Byggðastofnun ræður yfir til þessara verkefna eru takmarkaðar og geta ekki einar og sér myndað grundvöll atvinnulífs á viðkomandi stöðum. Því skipta mótframlög og nýting þeirra til atvinnusköpunar höfuðmáli.

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum, auglýsir Byggðastofnun eftir samstarfsaðilum um nýtingu viðbótaraflaheimilda á Þingeyri í Ísafjarðarbæ, allt að 400 þorskígildistonnum.

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum, auglýsir Byggðastofnun eftir samstarfsaðilum um nýtingu viðbótaraflaheimilda á Flateyri í Ísafjarðarbæ, allt að 300 þorskígildistonnum.

Með breytingu á lögum nr. 116/2006 þann 25. júní 2013 samþykkti Alþingi að Byggðastofnun skuli hafa til ráðstöfunar aflaheimildir til að styðja byggðarlög í alvarlegum og bráðum vanda vegna samdráttar í sjávarútvegi. Sjávarútvegsráðherra hefur ákveðið að auka aflaheimildir Byggðastofnunar um 1100 þorskígildistonn og tekur breytingin gildi á næsta fiskveiðiári (2014/2015). Byggðastofnun hefur mótað eftirfarandi viðmið um úthlutun veiðiheimilda samkvæmt þessari heimild.