Ársskýrsla
Ársskýrsla Byggðastofnunar 2023
Fréttir
-
8 janúar, 2025
Öflugur liðsauki
Í byrjun desember sl. auglýsti Byggðastofnun eftir sérfræðingi á þróunarsvið stofnunarinnar. Alls bárust 18 umsóknir, 11 frá konum og sjö frá körlum. Nú hefur verið ákveðið ráða Hebu Guðmundsdóttur og Sigfús Ólaf Guðmundsson.Lesa meira -
7 janúar, 2025
NorValue – Norrænt rannsóknarverkefni um sjálfbærni sjávarbyggða
Út er komin önnur skýrsla úr norrænni rannsókn á aðlögunarhæfni strandbyggða í verkefninu NorValue. Tvö byggðarlög, eða bæir, eru til skoðunar í íslenska hluta verkefnisins. Það eru Siglufjörður og Ólafsfjörður.Lesa meira -
3 janúar, 2025
Byggðastofnun og Dalabyggð í samstarf um uppbyggingu atvinnuhúsnæðis
Í síðasta mánuði skrifuðu Byggðastofnun og Dalabyggð undir viljayfirlýsingu um uppbyggingu atvinnuhúsnæðis í Búðardal. Um er að ræða tilraunaverkefni af hálfu Byggðastofnunar þar sem markmiðið er að reisa atvinnuhúsnæði á stað þar sem vöntun á fjárfestingu í atvinnuhúsnæði hefur hamlað framþróun og mun stofnunin leggja til allt að 150 m.kr. í verkefnið.Lesa meira -
2 janúar, 2025
Samanburður á orkukostnaði heimila árið 2024
Nú er komin út skýrsla um orkukostnað viðmiðunareignar m.v. gjaldskrár 1. september 2024. Heildarorkukostnaður er hæstur í Grímsey 427 þ.kr. en lægstur á Flúðum 195 þ.kr. Næst hæsti heildarkostnaður fyrir viðmiðunareign er í Nesjahverfi í Hornafirði 378 þ.kr. og á Grenivík 364 þ.kr. Þar næst koma staðir með rafhitun sem skilgreinast jafnframt sem dreifbýli hvað raforkudreifingu varðar, þ.e.a.s. Súðavík, Bakkafjörður og Borgarfjörður eystri.Lesa meira -
27 desember, 2024
NORA styrkir tólf verkefni
Á vetrarfundi Norræna Atlantssamstarfsins, NORA, sem haldinn var í Kaupmannahöfn þann 6. desember s.l. var ákveðið að veita styrki til tólf verkefna í seinni úthlutun ársins 2024. Íslendingar taka þátt í níu verkefnanna. Fimm af þeim tólf verkefnum sem hlutu styrk eru framhaldsverkefni. Heildarupphæð styrkjanna er 3,36 milljónir danskra króna sem jafngildir ríflega 68 milljónum íslenskra króna. Alls bárust 20 umsóknir að þessu sinni.Lesa meira -
20 desember, 2024
Tekjur á hvern íbúa mismunandi eftir svæðum
Árið 2023 voru heildartekjur á hvern íbúa um 11 milljónir króna í Vestmannaeyjum en undir 6 m.kr. í Húnavatnssýslum, Borgarfirði & Dölum og Suðurnesjabæ & Vogum. Talsverður munur var einnig milli hæstu og lægstu upphæðar atvinnutekna á hvern íbúa en þær voru um 6 milljónir í Fjarðabyggð, Garðabæ og á Seltjarnarnesi en um 4 m.kr. í Húnavantssýslum, Borgarfirði & Dölum og Rangárvallasýslu. Þetta má m.a. sjá í mælaborði Byggðastofnunar og lesa um í skýrslu sem birt er í dag um tekjur einstaklinga eftir svæðum 2008-2023.Lesa meira -
20 desember, 2024
Styrkir til meistaranema
Stjórn Byggðastofnunar ákvað á fundi sínum þann 12. desember síðastliðinn að styrkja fjóra meistaranema sem vinna að lokaverkefnum á sviði byggðamála. Auglýsing um styrkina var birt 21. ágúst og rann umsóknarfrestur út 1. nóvember. Verkefnin sem sótt er um styrk til skulu hafa skírskotun til markmiða eða aðgerða byggðaáætlunar. Alls bárust þrettán umsóknir. Heildarupphæð styrkjanna er 1,4 milljónir króna. Hver styrkur er að upphæð 350.000 kr. Styrkirnir eru fjármagnaðir af byggðaáætlun.Lesa meira
