Frumkvæðisstyrkjum var úthlutað í fyrsta sinn úr Frumkvæðissjóði Fjársjóðs fjalla og fjarða þann 29. okt. sl. Úthlutunarathöfnin fór fram í Handverksmarkaði Össu í Króksfjarðarnesi og þangað mættu bæði styrkþegar og aðrir gestir.

Á Byggðaráðstefnunni 2025 verður umfjöllun um nýlega rannsókn sem varpar ljósi á stöðu innflytjenda sem búa og starfa í dreifbýli á Íslandi. Hún sýnir að margir upplifa bæði hlýlegt viðmót sem og félagslegan aðskilnað í daglegu lífi.

Innviðaráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð C.1 Sértæk verkefni sóknaráætlanasvæða. Veitt verður allt að 170 milljónum kr. fyrir árið 2026.

Byggðastofnun hefur opnað mælaborð sem sýnir landfræðilega dreifingu styrkja sem stofnunin hefur veitt frá árinu 2018. Mælaborðinu er ætlað að bæta aðgengi að upplýsingum um starfsemi stofnunarinnar og úthlutun opinberra fjármuna. Stærstu styrkjapottarnir eru sóknaráætlanir landshluta og atvinnuráðgjöf á landsbyggðinni en úr þeim rennur grunnframlag ríkisins gegnum Byggðastofnun til landshlutasamtaka sveitarfélaga. Auk þess veitir stofnunin styrki vegna ýmissa aðgerða á Byggðaáætlun, byggðarannsóknastyrki og styrki til meistaranema.