Fréttir

Byggðastofnun auglýsir styrki til meistaranema sem vinna að lokaverkefnum á sviði byggðamála, tengdum byggðaáætlun 2014-2017. Til úthlutunar er allt að 1.000.000 kr. og stefnt að því að veita fjóra styrki.

Umsækjendur þurfa að stunda meistaranám við viðurkenndan háskóla. Í umsókn skal meðal annars koma fram greinargóð lýsing á verkefninu, markmiðum þess og hvernig það styður við byggðaáætlun.  Við mat á umsóknum verður fyrst og fremst litið til tengsla við byggðaáætlun, nýnæmi verkefnis og hvort til staðar séu möguleikar á hagnýtingu þess.

Þetta er í annað skipti sem Byggðastofnun veitir styrkir til meistaranema. Árið 2015 voru veittir styrkir til eftirfarandi verkefna:

• Hagkvæmni nýtingar sjávarhita á norðurslóðum: raundæmi Önundarfjörður. Styrkþegi Majid Eskafi, meistaranemi við Háskólasetur Vestfjarða.
• Viðmót og þolmörk samfélags gagnvart ferðaþjónustu í þéttbýli. Styrkþegi Jóhanna María Elena Matthíasdóttir, meistaranemi við Háskólann á Hólum.
• Eldri íbúar á sunnanverðum Vestfjörðum: Athafnir, þátttaka og viðhorf til þjónustu. Styrkþegi Margrét Brynjólfsdóttir, meistaranemi við Háskólann á Akureyri.

Rafrænt umsóknarform.

Verklagsreglur vegna úthlutunar styrkja til meistaranema.

Byggðaáætlun 2014-2017.

Nánari upplýsingar veitir Hólmfríður Sveinsdóttir.

Netfang: holmfridur@byggdastofnun.is. Sími 545 8600.

Umsóknafrestur er til miðnættis 31. mars 2016.